حركة المحافظين العسكرية

كتب : حُسـَــاام حَاافــــِظ

منذ ان تم الأعلان عن تسريبات لحركة المحافظين فقد وجدنا أن المحافظين فى كل محافظات مصر اصبحوا متواجدين بشوارعها ومع الناس وبـ كل مكان لمحاولة منهم للحفاظ على مناصبهم وبالرغم من اعلان ونشر بعض الصحـف اسـماء المحافظـين الجـدد والتى 

جاءت بــ 24 لـواء لــ 24 محافـظة وكأننـا أصبحنـا فى مؤسـسة عسـكرية  متكاملة الأركان والصف وضابط الصف.

لكننا واستنادا الى هذه الأسماء التى تم تسريبها على حسب قول من نشروها نؤكد أن النظام أو الرئاسة ليست بهذا الغباء الذى يتوقعه البعض او يراه الأخرون.

لماذا ..؟!.. لأنه لايمكن بكل الأحـوال أن يـتم اختيـار الــ 24 محافـظ لــ 24 محافظة برتبة لـواء شرطة أو جيـش لأننـا فى المرحلة القادمة نحتاج الى الكفاءة والفهم والتخصص أكثر من القبضة الحديديـة لأننـا لسـنا فى دولة عسكرية أو فى حالة حرب لكننا دولة تحاول النهوض من الموت المؤقت.

أما اذا نظرنا لحالة الدقهلية التى تحتضر لوجـود أسوء محافظ فى تاريخـها المحافظ الذى حول بعض المراسلين الى مرشـديـن وفرق الشمل وأمات كل مخصصات الحياة بالدقهلية وتلاعب ببعض الأحزاب كالدمى .. لو نظرنا الى استمراره كما يؤكد البعض فأننا سنلفت الأنتباه لشئ مهم جدا وهو ان هناك تلاعب يتم بالحريات وتحدى واضح من كل اجهـزة الـدولة وكأنـها تقول لنا جميعا : اللى احنا عايزينه هنعمله.

كد هيقول البعض وأين تقاريـر الجـهات الأمنية العليـا التى من المؤكد أنها  تتابع كل مايحـدث فى الدقهلية وترفع تقاريرها الى وزيـرها الهمام الـذى من المحتمل (أه من المحتمل) رفعها الى الجهات السيادية لأتخاذ القرار

هنقول : احـنا قولنـا أنها مـن المحتمل رفـعها يعنى ممكن متترفعش بما يعنى أن يحدث اتصال بين وزيـر الأمـن ووزيـر الحكم العرفـى ياعـم شـوف محـافـظ الدقهلية ده التقاريـر جايه مش لصالحـه وممكن يرد وزيـر الخـكم العرفى لأنه بيحـب الشوادفى وصاحبه يقـول له : دول شوية عيال عاملـين ثـوار وفاكرين انهم ممكن يتحكموا فى البلـد بشوية تجمـعات أو بوستات على الفيس سيبك منهم الشوادفى شغال وشايف شغله.

طيب يعنى ايهـ لو التسريبات دى صحيحة والشوادفى باقى ..؟! نسيب البلد لهم ونهمل المحافظة لتموت بين يدى الشوادفى ومرشديه 

وبطانة السوء .. لأ طبعا ..انا عن نفسى متعلمتش كده ومعرفش حاجة اسمها مستحيل ومتعلمتش أترك مكانى وأهرب أنا مستمر ومن مكانى هفضل أحارب  الفـساد مهمـا كانت قوتـه أو سلطتـه.

احنا منـذ شهور أعلنـا عـدم الأعتراف باللـواء الشوادفى محافـظ للدقهلية وبدانا نتحـرك ونتعامل على أرض الواقع ونساعد الناس ونجمـل شـوارعنـا وفـى الوقـت نفسـه بننشر وهنفضـل ننـشر فسادهم ونكشـفهم واللـى يزهق من التانى يرحل ... وبالعقل احنا مش هنرحل من بيتنا.