تعالوا نحرق مصر

كتب : حُسـَــاام حَاافــــِظ

أنا لا أعرف شيماء ولا كل من ماتوا خلال الـ 48 ساعة الماضية 

لكنني حزين علي موتهم و سأترحم عليهم حتي لو كنت مختلفم معهم فالأنسانية فوق السياسة ... والرحمة و التسامح هما جوهر الأنسانية بدونهما نصبح جميعا حيوانات.

من قتل شيماء ومن قتل كل هؤلاء ومن احرق ومن فجر

حقيقية لا يعلمها غير الله وكل مايقال هى توقعات واجتهادات ودسائس واشاعات وافتراءات وغباء أيضا من كثيرون .. لكننا لابد أن نستخدم العقل بدون العواطف الجياشة و الأحكام المسبقة والنبرة الثورية الصاخبة التي تفتقد العقل و المنطق وثرثرات حزب الكنبة الذى يفضل المشى داخل الحيط حتى ولو بدون كرامة مرورا بــ الأعلام الذى يتاجر بعضه بدماء المصريين واستقرار البلد من أجل تقديم حلقة ساخنة ينالون بها رضا النظام وترتفع أرصدتهم فى البنوك ونهاية بالفلول والأخوان وكلاهما كاذب وفاسد ولكن بطريقة مختلفة.

+ البعض هيقول :

هو ممكن ظابط يضرب واحدة ماشية في مسيرة كانت سلمية تماماً ليه يعني حيونات أوي كدة ..؟

+ وأخريين هيقولوا :

الي قتل شيماء واحد عايز يشبع جنازة و يشبع فيها لطم واحد عايز ٦ أبريل و الأشتراكيين الثوريين يشتغلوا و يسخنوا الناس و يهيج الرأي العام و يعمل موضوع و قصة و حوار.

+ وممكن غيرهم يقولك :

لو عايز تعرف مين الي قتل شيماء دور علي اللي بيقتل كل يوم علي مدار سنتين اللي بيقتل ضباط و عساكر و بيزرع قنابل اللي قتـل الـ ٣٣ جندي في سيناء واللي دمر بلدان كاملة زي سوريا و العراق و ليبيا واللي قتل هو اللي نفسه الي حرق ٧٠ كنيسة وولع في عشرات الأقسام ... هو اللي أقتحم قسم كرداسة و مثل بجثث الظباط وهو اللي بيقطع الطرق و بيزرع قنابل في محطات المترو و الأقسام .. اللي قتل شيماء وغيرها واحد.

ياجماعة الخير ... بالله الموضوع مش فن و لا محتاج ذكاء و مخ كبير ..

الموضوع واضح زي الشمس لكننا مع الأسف عايزين جنازة و نشبع فيها لطم .. فى أطراف كتيرة عايزة البلد تولع وعايزة ثورة و هيصة و فوضي وارهاب وخوف .. أحد الأطراف هيمارس ظلمة وفسادة بحجة الأرهاب وفى مناخ الخوف .. والطرف الأخر هيمارس ارهابه فى الهيصة والثورة والزحمة .. والطرف الثالت هيتاجر بدم اللي ماتوا ويزيد رصيده فى البنوك ويعمل فيها ثورى ..

ويبقى فى النهاية حزب الكنبة والثوار الحقيقين الذين يريدون بناء مصر لاحرقها هما كبش الفدا لكل الأطراف القذرة وأطماعها ... رحم الله كل شهداء الوطن ... ولعنة الله على كل من يحاول احراق مصر.