كتب : حُسـَــاام حَاافــــِظ
خيلوا .. سايبين ٤٣ ألف تمساح وفى دراسات أخرى ٨٠ ألف تمساح، فى بحيرة ناصر، إللى طولها ٣٥٠كم، ومساحتها «مليون فدان مائى» تتغذى (بالهنا والشفا) على أنقى وأنضف أنواع السمك، والشعب مش لاقى الفول .. كيلو الفول البلدى، بعشرة جنيه ..!!
لمعلوماتكم :
نص هذه التماسيح توحش و التمساح المتوحش (طوله ٦ متر، ووزنه ٩٥٠ كجم، والأنثى تبيض ٦٠:٤٠ بيضة سنوياً) بياكل فى المتوسط يومياً ٢٠ كجم سمك، وبين المتوسط والصغير التمساح الواحد بياكل ١٠ كجم فى اليوم ..!!
بحسبة بسيطة :
نفترض أن عدد التماسيح ٤٠ ألفا X ١٠ كجم يومياً = ٤٠٠ طن سمك يومياً، يلتهمها (أسيادنا) التماسيح.. يبقى X السنة بياكلوا: ٤٠٠ طن X ٣٦٥ يوما = ١٤٦ ألف طن ..!!
السؤال:
إحنا بنصطاد من البحيرة، عشان الشعب ياكل، كام طن فى السنة؟.
الإجابة : ٢٠ ألف طن!!
اسأل : هيئة الثروة السمكية، ومعهد أبحاث الأسماك، والعشرين جهة التابعة فى أسوان :
حضراتكم بتصرفوا كام :
مفارخ – ومبانى حكومية – وكهربا مدعومة – وأسانسيرات – وبوكسات وأتوبيسات – ومرتبات – وحوافز – وتليفونات – وتكييفات و قسم المصروفات على الـ ٢٠ ألف طن .. يبقى الكيلو وقف بكام على المواطن الغلبان .. و خسائر بــ كام مليون على الدولة ..؟!
والحل :
١- نصطاد التماسيح الـ ٤٠ ألفا (يوجد حول العالم شركات متخصصة، فى الصيد دون استخدام الرصاص) حتى لا يتم (تخريم) الجلد و الجلد الواحد ثمنه ٤ آلاف دولار (للتمساح النيلى البالغ).
٤٠ ألف تمساح X ٤ آلاف $ = 160 مليون $ بالمصرى (1,232,000,000)مليار
لو موجود بقى 80 الف تمساح X ٤ آلاف $= 320,000,000 $ بالمصرى(2,432,000,000)مليار يعنى فلوس و فوسفور
اتقوا الله فى مصر وشعبها واعملوا بما يرضى الله ان مصر دولة خير ولو اخلصتوا العمل بها ولها لأصبحت أغنى دولة فى العالم ..
ليست هناك تعليقات :